Starfsleyfi

 

Álver Norðuráls á Grundartanga hefur starfsleyfi fyrir framleiðslu á allt að 350 þúsund tonnum af áli. Starfsleyfið var gefið út af Umhverfisstofnun 16. desember 2015 en stofnunin er jafnframt eftirlitsaðili með starfsemi fyrirtækisins. Starfsleyfið gildir til 16. desember 2031 og er veitt í samræmi við ákvæði reglugerðar nr.785/1999 um atvinnurekstur sem getur haft í för með sér mengun. sjá hér

 

Rannsóknir og eftilit með umhverfisáhrifum Norðuráls á Grundartanga eru framkvæmdar af óháðum aðilum. (Niðurstöður þessara rannsókna má finna undir flipanum Skýrslur í dálknum hægra megin.) Þær sýna að áhrif á lífríki í nágrenni fyrirtækisins eru og hafa verið hverfandi. Þessi árangur er ekki sjálfgefinn og til að hann náist þarf reksturinn að vera góður og í jafnvægi. Það kallar á liðsheild og kunnáttu starfsfólks Norðuráls.

 

Norðurál er með vottað gæðastjórnunarkerfi samkvæmt alþjóðlega ISO 9001staðlinum. Þá eru  umhverfisstjórnunar- og öryggisstjórnunarkerfi fyrirtækisins vottuð samkvæmt ISO 14001og OHSAS 18001stöðlum. 

 

Eiginleikar áls

Eiginleikar álsins eru ótvíræðir þegar kemur að listsköpun enda efnið létt og meðfærilegt. Það er ekki síður sjónræni léttleikinn sem fangar ímyndunarafl listamannanna og hæglega má tengja það þyngdarleysinu. Áferð áls minnir um margt á himininn og það er engin tilviljun að inntak sumra listaverka úr áli tengist háloftunum og flugi. Álið verður þannig andhverfa jarðar.

Ál hefur lengi verið býsna vinsæll miðill erlendis og hefur t.d. orðið lista- mönnum að yrkisefni í hönnun tískufatnaðar, skartgripa, húsgagna, bifreiða og bygginga. Ál var ekki mikið notað í listum hér á landi áður en myndhöggvarar með Steinunni Þórarinsdóttur í broddi fylkingar tóku það í sína þjónustu fyrir fáeinum árum. Álmennin hennar hafa nú tekið sér bólfestu víða um lönd.