Ráðningar í störf

Þegar álverið er komið í rekstur verða störfin fjölþætt. Ráðnir verða verkfræðingar, vélvirkjar, tæknifræðingar, vélstjórar, viðskiptafræðingar, rafvirkjar, sálfræðingar, rafsuðumenn, efnafræðingar, eðlisfræðingar, smiðir, líffræðingar og tölvunarfræðingar, auk ófaglærða starfsmanna sem öðlast sérhæfingu við störf sín og nám hjá álverinu. Jafnframt mun Norðurál ráða ungt fólk í sumarafleysingar en þau störf njóta sérstakra vinsælda. Áhersla er lögð á jafna möguleika kvenna og karla í öll störf.

Á rekstrartíma er gert ráð fyrir að um 600 ný störf verði til í álverinu og samtals hátt í 2000 störf sem tengjast alverinu og rekstri ess.  Áætlað er að ríflega 4.000 ársverk þurfi við byggingu álversins og um 10.000 ársverk samtals í byggingur álversins og tengdra framkvæmda eins og orkumannvirkja, hafnaraðstöðu og annarrar beinnar þjónustu.